Asociación Cultural Faceira

MITOLOXÍA POPULAR DEL REINU DE L.LIÓN

FACEIRA edita’l ḷḷibru Mitoloxía popular del reinu de Ḷḷión, de Nicolás Bartolomé Pérez

portada-mitoloxia-baja

L’Asociación Cultural Faceira en coḷḷaboración con Cultural Norte edita’l ḷḷibru Mitoloxía popular del reinu de Ḷḷión, del que yía autor Nicolás Bartolomé Pérez ya ilustrador Alberto Álvarez Peña. Esta obra recueche las ḷḷiendas mitolóxicas de Ḷḷión, Zamora ya Salamanca, esto yía, del viechu reinu de Ḷḷión, centrándose nos entes ya personaxes que componen esti aspectu tan poucu conocidu de la nuesa cultura tradicional.

El ḷḷibru, redactáu dafeitu en ḷḷionés, estructúrase en doce capítulos nos que se van presentando los seres míticos ḷḷioneses entre los qu’alcontramos mucheres sobrenaturales que viven en fuentes ya cuevas, mouros encantaos que fixenon obras imposibles, tesouros máxicos ocultos nel interior de la tierra, culebrones monstruosos, renubeiros que controlan nubles ya tuenas, licántropos malditos, inquietantes númenes acuáticos, diañes ya trasgos burḷḷones, filadoras xigantescas, cíclopes antropófagos, misteriosas viechas cavernícolas ya ánimas en pena que rondan polas nueites.

contraportada-mitoloxia-baja

Sin renunciar a una orientación claramente divulgativa, esti trabachu tamién ofrez una introducción al estudiu de la nuesa mitoloxía dende diversas perspectivas cumo l’análisis comparativu con outras mitoloxías europeas ya españolas, sin esquecer la importancia de las relixones antiguas na conformanza del fondu más ancestral de los nuesos mitos ou la importante relación que se constata entre esti conxuntu de ḷḷiendas tradicionales ya los xacimientos arqueolóxicos de las tierras ḷḷionesas.

La obra compleméntase con una serie de formosas ilustraciones orixinales d’un reconocidu dibuxante especializáu na materia qu’arriquecen ya amenizan el testu.

Mitoloxía popular del reinu de Ḷḷión vai presentase’l próximu 13 d’abril de 2013 a las 18:15h. en Viḷḷablinu dientro de la III Xornada de Patrimoniu Ḷḷingüísticu ya Cultural que se celebra na sede de la Fundación Sierra Pambley (caḷḷe La Brañina, 13).

[issuu layout=http%3A%2F%2Fskin.issuu.com%2Fv%2Flight%2Flayout.xml showflipbtn=true documentid=130408113517-4595e7d7a9494285b7560121a43394ad docname=mitoloxia-1-17 username=asociacionfaceira loadinginfotext=Mitolox%C3%ADa%20popular%20del%20reinu%20de%20L.li%C3%B3n showhtmllink=true tag=llion width=420 height=297 unit=px]

4 comentarios en «MITOLOXÍA POPULAR DEL REINU DE L.LIÓN»

Deja una respuesta

Tu dirección de correo electrónico no será publicada. Los campos obligatorios están marcados con *