MORRÍU SEVERIANO ÁLVAREZ, DECANU DE LAS NUESAS ḶḶETRAS

El pasáu 23 de setiembre morríu l’escritor de Cuevas del Sil Severiano Álvarez (1933-2013), que conos sous 80 anos yera’l decanu de las ḷḷetras ḷḷionesas. Severiano Álrez foi autor de ḷḷibros escritos tanto en ḷḷionés (Cousas de aiquí. Cuevas del Sil, 1987; La gouta d’augua, 2008), cumo en casteḷḷanu (Llamada procedente, 2000), ya un divulgador ya activu defensor de la nuesa ḷḷingua cumo quedóu reflexáu nel documental Asina falamos (2007). Los miembros de l’Asociación Cultural Faceira pudimos disfrutar de la sua compañía’l pasáu 13 d’abril na III Xornada de Patrimoniu Ḷḷingüísticu ya Cultural que se celebróu en Viḷḷablinu. Faceira ḷḷamenta profundamente la sua muerte.

 

Severiano Álvarez

 

  Vulví a las verdes tsaderas

  p’agüechare l’hurizonte

  pur cima de las chameras

  onde se tirmina’l monte

Etiquetas:

Sobre la entrada

Autor

Asociación Faceira

Sin comentarios.