El Parlamentu européu aprobóu l’informe Alfonsi sobre llinguas minorizadas

El Parlamento Europeo aprobóu l’informe Diversidá llingüística y Idiomas Europeos en riesgu de desaparición presentáu pol deputáu francés Francois Alfonsi.

Esti informe señala las bases para desarrollar políticas positivas a favor de las llinguas minorizadas. Na rueda de prensa posterior a l’aprobación de la propuesta tódolos presentes destacoron dous puntos principales: por un llau, que l’informe recibíu l’apoyu cásique unánime de los europarlamentarios; y por outru, que será d’utilidá p’afalar a los estaos que tienen políticas non axeitadas pa la diversidá llingüística, cumo ye’l casu, por exemplu, de la Comunidá Autónoma de Castiella y Llión cono llionés.

Esti informe establez un marcu de referencia pa qu’instituciones europeas desarrollen políticas positivas y programas específicos con estos idiomas. Outramiente, aquellos que dientro d’un estáu de la Unión Europea estéan trabayando pola normalización d’una llingua, pueden alcontrar nesti documentu una referencia a nivel européu qu’emburrie’l sou llabor

Etiquetas: , ,

Sobre la entrada

Autor

Asociación Faceira