Ivo García Álvarez gana’l concursu de recoyida de toponimia oral n’El Bierciu d’El Teixu

Ivo García Álvarez resultóu ganador, cono trabayu “Toponimia menor de Quintana de Fuseros”, del primer Concursu de Recoyida de Toponimia Oral d’El Teixu na Comarca d’El Bierciu, convocáu por El Teixu, Rede pal Estudiu y Defensa de la Llingua Asturllionesa. El xuri decidíu tamién premiar con un accéssit el trabayu “Mapa de topónimos”, de l’autoría de José Álvarez González, y dedicáu tamién al llugar de Quintana. Esti concursu, organizáu cona colaboración del Instituto de Estudios Bercianos, y l’apoyu de las asociaciones Faceira, Fala Ceibe y el Colectivo Cultural “La Iguiada”, tien l’obxectivu de premiar la investigación sobre la toponimia tradicional de la comarca berciana.

 El xuri d’esti primer Concursu de Recoyida de Toponimia Oral d’El Teixu na Comarca d’El Bierciu, formáu polos investigadores Fernando Bello Garnelo, Héctor García Gil y José Ramón Morala Rodríguez, acordóu outorgar l’únicu premiu establecíu nas bases del concursu al trabayu tituláu “Toponimia menor de Quintana de Fuseros”, asina cumo conceder un accéssit al trabayu “Mapa de topónimos”. Consultada la secretaría d’El Teixu, que previamente s’encargara d’anonimizar las obras presentadas a concursu, el ganador del premiu resultóu ser Ivo García Álvarez, y el del accésit, José Álvarez González.

 Ivo García Álvarez, nacíu n’Igüeña, mineru de profesión y aficcionáu a la naturaleza, tien yá publicaos estudios de recoyida de la toponimia d’otros llugares d’esti conceyu. Cumo ganador, va recibir un premiu consistente nun diploma acreditativu y un lote de llibros de temática berciana y asturllionesa. Pola sua parte, José Álvarez González, natural de Quintana y autor en 2009 del Diccionario de Leonés en el alto Boeza y zonas limítrofes, va recibir tamién llibros cumo premiu pol accéssit.

 Con esti concursu El Teixu quier poner en valor el padremuñu que representa la riqueza toponímica, que, esqueicida pola alministración, entovía permanez viva na comarca, cumo una muestra más de la cultura berciana que s’expresa n’asturllionés y en gallegoportugués. La toponimia tradicional ye un tesouru de valor incalculable, que ye necesario recoyer primeiro que desapareza. La casualidá quixo, amás, qu’entrambos trabayos tengan cumo tema d’estudiu la toponimia de Quintana de Fuseiros, no conceyu d’Igüeña, de manera que con esti concursu avánzase ampliamente no conecimientu de los nomes de los sitios d’esti llugar bercianu.

 El Teixu, Rede pal Estudiu y Defensa de la Llingua Asturllionesa ye una asociación fundada no 2007 por xente de La Tierra de Miranda, Zamora, Llión y Asturias pa defender l’asturllionés dende la súa unidá y el respectu a las variedades internas. Pa ello desenvuelve actividades d’estudiu, divulgación y promoción por todu l’ámbitu del idioma.

logo_teixu

Etiquetas: , ,

Sobre la entrada

Autor

Asociación Faceira

Comentarios cerrados.