Asociación Cultural Faceira

Resume Calechos d’iviernu 2017

El pasáu vienres, marzu y 17, terminoron los Calechos d’iviernu de 2017. Tres la esperiencia de 2016, y por primer vez, la edición d’esti añu foi entamada pola Asociación Faceira conxuntamente col Ayuntamientu de Llión, despuéis de chegar a un conveniu que tenta puxar y dar continuidá a esta serie conferencias sobro cousinas d’eiquí.

Cona súa típica sabencia, Javier Emperador falóu de la indumentaria tradicional no Camín de Santiagu en Llión, tresportando al auditoriu nun viax al traviés del tiempu y del espaciu, nún reconfortante recorríu pola muestra de traxes espuesta na antigua Casa’l Conceyu, asitiada na popular praza de las palombas de la capital llionesa.

Yá no Palaciu del Conde Lluna, siguíu’l ciclu con una charra de Fran Allegre sobro los instrumentos llioneses más característicos, despregando na sala bien d’ellos, muitos los cuales foron construyíos por él mesmu.

Darréu Héctor Xil díu una desplicación nidia de la trayectoria la lliteratura en llionés, dende la Edá Media dica güei, encalcando’l cambiu d’intención nos escritores na nuesa llingüa dende Eva González p’acá, de tal xeitu que, dende una actitú que tentaba reflexar las falas tradicionales cumo una curiosidá ou tipismu, pasóuse a una intencionalidá crara de facer lliteratura, ye dicir, ellaborar una creación artística con aspiraciones estéticas.

Na cabeira charra, Iván Martínez anduvo polas principales mazcaradas d’iviernu de la provincia de Llión, falando maxistralmente d’estas manifestaciones qu’él mesmu lleva años recuperando, y dexando nos presentes un magníficu sabor de boca.

L’auditoriu mostróu gran interés sobro tódolos temas, faciendo dalgunas intervenciones bien interesantes. Outramiente, el públicu foi de menos a más: houbo cerca de 25 asistentes na primer charra, que medraron hasta los 35 nas dúas del mediu, pa rematar con dalgo más de 40 na postrer. Anque gustaríanos qu’esti númaru fuera mayor, dende estas llíneas l’Asosicación Faceira quier aproveitar pa dar efusivamente las gracias a tódolos asistentes, convidándo-ys, la mesmu tiempu, a la prósima edición que yá estamos entamando.

Hasta’l prósimu añu.

Deja una respuesta

Tu dirección de correo electrónico no será publicada. Los campos obligatorios están marcados con *