Calechos d’iviernu… con cousinas d’eiquí.

L’asociación cultural faceira en collaboración cono Bar La Rinconada de Llión van entamar una serie de cuatru charras incluyídas nas Xornadas culturales entituladas Calechos d’iviernu… con cousinas d’eiquí.

El calechu yera una regunión típica de los puebros de la montaña noroccidental llionesa, concretamente nas comarcas de Ribas de Sil, L.laciana, Babia, Oumaña y L.luna. Al cabu la tarde, axuntábanse varios vecinos y/ou achegáos na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’iviernu, estación na qu’había menos que facer que n’outras dóminas del añu. Parez que tantu’l vezu cumo’l términu tienen el sou orixen nas xuntanzas que se facían antaño pa repartir las velías de caltenimientu, cebáu y andar al pesque de las trampas pa llobos, chamadas calechos, asina cumo determinar outros detalles d’ellas. El calechu yera principalmente una tertulia na que se comunicaban las nuncias de la vida diaria, xugábase a las cartas y contábanse hestorias divertidas, cuentos y cousillinas, estas últimas dedicadas especialmente a los guah.es. Tamién yera’l momentu no que s’acordaba aú se axuntarían pola nueite pal filandón anque, estremáu d’ésti, no calechu nun se solía trabayar y, por tanto, tenía un aquel mayormente lúdico, d’ehí’l protagonismu de la xente moza en muitos casos. Pero amás d’engayolar, el calechu a veces tenía un llau pedagóxicu, yá que yera aproveitáu polos pais pa deprender a los sous fíyos cousas de la escuela. Cona celebración de Calechos d’iviernu, l’Asociación Cultural Faceira nun solu rinde homenaxe a esta costume, sino que tentando xuncir esparcemientu y educación, tenta d’emponderar y difundir una parte del gran patrimoniu cultural llionés a traviés de cuatru charras sobre cousinas d’eiquí: paisaxe, hestoria, mitoloxía y música.

Programa:

Xueves 21 de xineiru, 20:30 horas. Alejandro Díez González:

Nomes del paisaxe llionés

Xueves 28 de xineiru, 20:30 horas. Ricardo Chao:

Una güeyada a l’hestoria del Reinu de Llión

Vienres 5 de febreiru, 19:30 horas. Nicolás Bartolomé:

Mitoloxía popular llionesa

Xueves 11 de febreiru 20:30 horas. Rodrigo Martínez:

Música tradicional llionesa

Llugar: Bar «La Rinconada» (Barrio Húmedo), C/ Conde Rebolledo, 1, baxo (esquina cona praza Conde Luna)

Organizan: Asociación Cultural Faceira y Bar «La Rinconada».

 

calecos

Alejandro Díez González (Torenu, 1985) ye graduáu en Rellaciones Llaborales y Recursos Humanos pola Universidá de Llión. En 2011 creya la web www.lasendadelhayedo.com, páxina qu’él mesmu xestiona y qu’está dedicada a la natura, paisaxe y turismu rural na Cordillera Cantábrica. Asinamesmo, collabora davezu con mui bien de publicaciones y periódicos sobre temas tradicionales y naturales de Llión.

Ricardo Chao Prieto (Llión, 1975) ye llicenciáu n’Historia y diplomáu en Biblioteconomía y Documentación. Autor de los llibros “Alfonso VI de León y su reino” (2010) y “El Encargo del Rey: la crónica perdida del Reino de León” (2012), ye amás coautor de varias obras, cumo “Guía de  Monumentos de la Provincia de León” (publicada pola Deputación), “Leyendas de León contadas por…, y Cuentos de León narrados por…” Asinamesmu participóu na realización de mui bien d’esposiciones y documentales de temática hestórica y foi comisariu de “Tormentaria: las máquinas de asedio de la Antigüedad al reino de León”. Dende hai años caltién el sou blogue  “Corazón de León” http://corazonleon.blogspot.com, dedicáu principalmente a espayar la hestoria del reinu llionés.

Nicolás Bartolomé Pérez (Llión, 1971) ye abogáu, presidente de l’Asociación Cultural Faceira y miembru correspondiente de l’Academia de la Llingua Asturiana. Ye autor de numarosos trabayos publicaos en revistas especializadas y llibros colectivos sobre la llingua y la cultura popular llionesas, y de los llibros Filandón. Lliteratura popular llionesa (2007) y Mitoloxía popular del Reinu de Llión (2013). Collabora tamién cono Diario de León con artículos sobre las tradiciones de Llión.

Rodrigo Martínez (Llión, 1982). Dende mui guah.e empuntíu la sou vida al estudiu de la música y al folclor. La sua pasión por esti arte llevolu a tornase nun gran intérprete del sou instrumentu, asina cumo un gran cuñocedor de la música tradicional de la nuesa provincia. Trabaya pola dignificación y divulgación d’esti patrimoniu musical al traviés de publicaciones discográficas y conciertos, actividá que compaxina cona de compositor. Cuenta con varios rexistros discográficos con grupos cumo, por exemplu, Tarna o Pandetrave

Etiquetas: , ,

Sobre la entrada

Autor

Asociación Faceira

Sin comentarios.