entradas destacadas

CALECHOS D’IVIERNU 2018

El vienres 16 de febreiru emprincipian las xornadas culturales entituladas Calechos d’iviernu, entamadas pola Asociación Cultural Faceira y l’Ayuntamientu de Llión. El calechu yera una regunión típica de los puebros de la montaña noroccidental llionesa, concretamente nas comarcas de Ribas de Sil, L.laciana, Babia, Oumaña, L.luna y El Bierciu, onde se conoz col nome de caleyu. Al cabu la tarde, axuntábanse varios vecinos y/ou achegáos na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’iviernu, estación na qu’había menos que facer que n’outras dóminas del añu. Parez que tantu’l vezu cumo’l términu tienen el sou orixen nas xuntanzas que se facían antaño pa repartir las velías de caltenimientu, cebáu y andar al pesque de las trampas pa llobos, chamadas calechos, asina cumo determinar outros detalles d’ellas. El calechu yera principalmente una tertulia na que se comunicaban las nuncias de la vida diaria, xugábase a las cartas y contábanse hestorias divertidas, cuentos y cousillinas, estas últimas dedicadas especialmente a los guah.es. Tamién yera’l momentu no que s’acordaba aú se axuntarían pola nueite pal filandón anque, estremáu d’ésti, no calechu nun se solía trabayar y, por tanto, tenía un aquel mayormente lúdico, d’ehí’l protagonismu de la xente moza en muitos casos. Pero amás d’engayolar, el calechu a veces tenía un llau pedagóxicu, yá que yera aproveitáu polos pais pa deprender a los sous fíyos cousas de la escuela. Cona celebración de Calechos d’iviernu, l’Asociación Cultural Faceira y l’Ayuntamientu de Llión nun solu rinden homenaxe a esta costume, sino que tentando xuncir esparcemientu y educación, tentan d’emponderar y difundir una parte del gran patrimoniu cultural llionés al traviés de cuatru charras sobre cousinas d’eiquí: llengua, rexonalismo, música y historia.

Los conferenciantes y la temática pa esta edición son: CHRISTIAN FERNÁNDEZ CHAPMAN: “Diglosia y conflictu lingüisticu no territoriu llionés” (16 de febreiru), ALBERTO FLECHA PÉREZ: “Un averamientu históricu al rexonalismu llionés contemporaniu (sieglos XIX y XX)” (23 de febreiru), CARLOS HUERTA «EL SOLITO TROVADOR»: “Tradición y creación musical aguaño” (9 de marzu) y ANDRÉS MENÉNDEZ BLANCO “Cuadraos, sucos y clavículas. Los restos de la conquista romana del Noroeste ibéricu no paisaxe llionés” (23 de marzu).

Tódalas conferencias serán los vienres referíos a las 19.30h no Palacio del Conde Luna (Praza del Conde Luna, 24003, Llión).