L’ASOCIACIÓN
L’Asociación Cultural Faceira ye una entidá dedicada al estudiu, divulgación, protección y proyección del patrimoniu cultural, históricu y llingüísticu de Llión.
Muitos elementos de la nuesa herencia cultural están perdiéndose o ya están desaniciaos pol gran cambiu social y económicu esperimentáu en Llión nas últimas décadas nun procesu imparable conectáu colos fenómenos propios de lo que se denomina globalización. Pero tamién ye ciertu qu’outros muitos elementos de la nuesa cultura merecen pervivir adaptándose a los nuevos tiempos. El llionés ye unu d’esos aspectos vivos de la nuesa personalidá a la que vamos dedicar una especial atención, sin desatender outros ámbitos culturales y llingüísticos de Llión que nos interesan y prestan. Na defensa de la nuesa llingua queremos siguir el camín trazáu hai ya tiempu pola asociación cívica Facendera pola Llengua, de la que nos sentimos de dalguna forma heredeiros y continuadores.
EL NUESU NOME
Faceira ye un guapu términu con un son típicamente llionés propiu de las tierras occidentales de Llión y de Zamora, y que tamién se constata na Tierra de Miranda portuguesa. Fritz Krüger señalóu que faceira “(…) es un término colectivo: <<conjunto de tierras de varios vecinos>> (Pedralba), <<muchas tierras>> (Benuza), <<todas las tierras sembradas de centeno en un pueblo o en una región>> (Trefacio). Considerando [faceira], <<tierra de cultivo>>, en este sentido colectivo, se puede ver cierto paralelismo con [facienda] <<conjunto de propiedades muebles o inmuebles, es decir, casas, tierras y ganado>> y facendera <<trabajo hecho en común de los vecinos>>; podemos pensar que [faceira] ha adquirido su significado en relación y contraste consciente con facienda, para significar <<el conjunto de las tierras cultivadas de un pueblo>>”. [La cultura popular en Sanabria, 1991 (1925)]. Amás, nas tierras del norte de la provincia de Llión, n’Umaña o Babia, facera ye l’aproveitamientu d’un pastu común entre diferentes puebros, onde vemos presente tamién esa noción colectivista y comunitaria característica de la tradición llionesa.
EL NUESU LOGO
El nuesu logo inspírase nún de los petroglifos con forma de laberintu redescubiertos hai poucos años nos campos de Maragatos, con dous de los colores predominantes nos pendones de tierra de los nuesos puebros: el verde y el roxu. El diseñu del logo sincretiza bien de símbolos: los nuesos raigaños históricos y culturales, el campu aráu, la tierra y la naturaleza, o l’árbol baxo’l que s’axuntaba antaño’l conceyu del puebru en muitos llugares llioneses p’adoptar los sous alcuerdos.