Asociación Cultural Faceira

Actividades

EL pasáu añu l’Asociación Cultural Faceira desenvolvíu un conxuntu importante d’actividades de las que queremos dar cuenta con esti resume del llabor feitu en 2018.

  • Xineiru – mayu. IV Cursu d’iniciación al llionés, impartíu por Xairu López na ciudá de Llión. A lo llargo del cursu houbo charlas en llionés complementarias de las crases a cargu d’Alejandro Díez, Toponimia y nomes del mediu natural; Ricardo Chao, Historia del Reinu de Llión; Iván Martínez Lobo: Antruidu y mázcara na cultura llionesa; ¿Qué ye la cultura llionesa?, de Xuan Getino.

 

  • En febreiru l’asociación punxo en marcha una iniciativa participativa pa escoyer Las diez palabras llionesas más formosas que representoron al llionés no «Pabellón de las Llenguas» abiertu na ciudá de Ljouwert (Países Baxos), no marcu de la Capitalidá Europea de la Cultura. La palabras elixidas foron: facendera, fervienza, filandón, llariega, llumbreiru, panxulina, prestar, señardá, telar y xeitu

  • Febreiru – marzu. Calechos d’iviernu 2018, Llión (cona colaboración del Ayuntamientu de Llión). Conferencias impartidas: Christian Fernández Chapman, Diglosia y conflictu lingüísticu no territoriu llionés; Alberto Flecha, Un averamientu históricu al rexonalismu llionés contemporaniu (sieglos XIX y XX), Carlos Huerta, «El Solito Trovador», Tradición y la creación musical aguaño; Andrés Menéndez Blanco Cuadraos, sucos y clavículas. Los restos de la conquista romana del Noroeste ibéricu no paisaxe llionés.

 

  • Publicación del llibru Llión Máxicu. Pequeña mitoloxía llionesa, de Ricardo Escobar y Nicolás Bartolomé; obra ilustrada bilingüe en llionés y castellanu orientada a divulgar la mitoloxía de Llión entre la mocedá.

 

  • Faceira participóu no cursu de branu de la Universidá de Llión y la Cátedra de Estudios Leoneses La lengua leonesa en la sociedad actual cona intervención de varios mienbos miembros de l’asociación: Christian Fernández Chapman presentóu la sua comunicación titulada Actitudes lingüísticas hacia el leonés a través de testimonios históricos; Nicolás Bartolomé Pérez cona conferencia El estatuto legal de la lengua leonesa; y Ricardo Chao Prieto que participóu nuna mesa redonda con representantes de Furmientu y El Teixu pa explicar el llabor que desenvuelve l’asociación.

  • Xunto conas asociaciones El Teixu y Furmientu, remitíuse un informe al Conseyu d’Europa sobre l’aplicación de la Carta Europea de las Llenguas ou Rexonales ou Minoritarias al llionés no períodu de 2014-2016.

 

  • 3 de noviembre. VI Filandón Bercianu, celebráu en Bembibre, que contóu cona colaboración del Ayuntamientu y no qu’intervinieron Fernando Álvarez-Balbuena falando sobre la Toponimia popular de tradición oral no Bierciu Oriental, Alberto Flecha quien tratóu sobre la Historia de la organización territorial en León y en El Bierzo. Amás, Ricardo Escobar presentóu’l llibru Llión Máxicu. Pequeña mitoloxía llionesa. El músicu Fran Allegre interpretóu dalgunas piezas del país.

  • Noviembre-diciembre V Cursu d’iniciación a la llengua y cultura tradicional llionesas,impartíu por Xairu López na ciudá de Llión. Nesta nueva edición del cursu afóndase de manera especial no estudiu de la cultura llionesa con numerosas conferencias dedicadas a muitos aspectos que conforman las personalidá llionesa.

 

  • Noviembre-diciembre. Dende noviembre de 2018 Faceira cuenta con un pequeñu espaciu televisivu dedicáu a la llengua y a la cultura llionesas del que ye resposable Xairu López, y que s’emite dientro de «Mundo Cazurra», apartáu del programa 8 Magazine León de la canal de televisión local La 8 León.

 

  • 10 de diciembre. Reunión cono Comité d’Expertos del Conseyu d’Europa Dous representantes de l’asociación reuníeronse cono Comité d’Expertos del Conseyu d’Europa n’Uviéu na sua visita trianual a España pa valorar el nivel de cumprimientu de la Carta Europea de las Llenguas Rexonales ou Minoritarias al llionés. L’asociación fizo rescamplar que’l gobiernu autonómicu de Castiella y Llión sigue desatendiendo de manera contumaz las obrigaciones d’esti tratáu internacional, situación de la que’l Comité tomóu nota pa elaborar un informe que publicará esta primavera.

 

  • Diciembre. Participación na VI Xornada de Patrimoniu Lingüísticu y Cultural celebrada entre los días 22 y 23 de diciembre de 2018 no llugar de Ñogareyas, La Valdería (Llión). La intervención de Faceira foi a través de la exposición El llabor editorial de l’asociación Faceira, a cargu de José Ignacio Suárez García quien falóu de los llibros editaos pola asociación y de las próximas colecciones literarias que publicaremos.

  • 28 de diciembre. Filandón Mitolóxicu en CAZURRA Brew Pub, no que varios miembros de l’asociación axuntóronse pa falar sobre la nuesa mitoloxía popular, contar dalgunas de las liendas que la integran y tratar de los personaxes fabulosos de la nuesa tardición oral.

  • Publicación del Diccionariu Llionés. Volume I: llionés-castellanu, de Nicolás Bartolomé Pérez. Primer volume d’un diccionariu llionés – castellanu bidireccional que tien unas 11.000 entradas que se complementan con incorporación d’abundantes variantes léxicas, sinónimos, antónimos, fraseoloxía patrimonial, refranes, observaciones gramaticales, etc.

 

 

 

  • No añu 2017 l’Asociación Cultural Faceira desenvolvíu un intensu llabor cultural, divulgativu y reivindicativu con cursos, conferencias, publicaciones, filandones y actuaciones en defensa del llionés . Veleiquí un resume del trabayu feitu nos últimos doce meses.

    • Xineiru – mayu, III Cursu d’iniciación al llionés, impartíu por Xairu López na ciudá de Llión. A lo llargo del cursu houbo charlas en llionés complementarias de las crases a cargu d’Alejandro Díez: “Toponimia y nomes del mediu natural”, Ricardo Chao: “Historia del Reinu de Llión”, y Iván Martínez Lobo: “Mazcaradas d’enviernu en Cabreira”.

    • Febreiru – marzu, Calechos d’iviernu 2017, Llión (cona colaboración del Ayuntamientu de Llión). Conferencias impartidas: “Tipos de traxes populares no Caminu de Santiago”, por Javier Emperador (24 de febreiru); “Instrumentos populares na tradición popular llionesa”, por Fran Allegre (3 de marzu); “Un averamientu a la lliteratura en llionés”, por Héctor García Gil (9 de marzu); “Mazcaradas d’iviernu na provincia de Llión”, por Iván Martínez Lobo (17 de marzu). Resume.

    • 29 de sanxuán, intervención de José Ignacio Suárez García en representación de Faceira no Foro de debate sobre a Carta Europea para as Linguas Rexionais ou Minoritarias, organizáu pol Consello da Cultura Galega en Santiago de Compostela (Galicia) los días 29 y 30 de sanxuán de 2017.

    • 17 de santamarina, reunión en Valladolid cono Conseyeiru d’Educación de Castiella y Llión xunto con representantes d’El Teixu y Furmientu pa reclamar la introducción del llionés no sistema d’enseñu públicu de la Comunidá Autonoma y presentar una propuesta d’experiencia pilotu pa la sua enseñanza.

     

     

    • Agostu, publicación del llibru Vocabulariu llionés ilustráu. Con presentaciones de la obra na Feria del Llibru Intantil de Cabreira (18 d’agostu), y na ciudá de Llión (11 d’outubre), San Andrés del Rabanedo (21 de noviembre), Unxilde (23 de diciembre).

    • 11 de noviembre V Filandón bercianu, en Santa María de Torre, (cona colaboración de la Xunta Vecinal de Santa María y l’Asociación Cultural Carqueixa del Bierzo), con dous conferencias “Hestoria del Reinu de Llión. El Bierciu no Reinu de Llión”, por Ricardo Chao Prieto, y “Toponimia de los valles de los ríos Buyeza y Tremore” por Fernando Álvarez-Balbuena García.

    • 13 de noviembre, intervención de Nicanor García Álvarez en representación de Faceira nas II Xornaes Normalización Llingüísitica nos Conceyos organizadas pol Ayuntamientu de Xixón (Asturias) nesa ciudá, cona ponencia “El llionés: marxinación, desprotección ya iniciativas privadas pa la sua recuperación”.

    • 9 de diciembre, III Magostu Cepedanu, en Brimeda (cona colaboración de la xunta vecinal de Brimeda).

Para información más inmediata, visite nuestra página de facebook.