Tres miembros de l’Asociación Cultural Faceira van participar no cursu d’extensión universitaria de la Universidá de Llión “La lengua leonesa en la sociedad actual”que s’impartirá entre los días 16 y 19 del mes de santamarina na ciudá de Llión. El cursu tien cumo obxectivos la presentación de propuestas actualizadas de carácter teóricu sobre’l llionés cumo llengua patrimonial del antiguu Reinu de Llión, la presentación de propuestas didácticas apropiadas pal enseñu d’esta materia que sirvan cumo material complementariu no currículu de llengua de los niveles non universitarios y amostrar materiales prácticos pal estudiu del llionés. El miércoles 18 Nicolás Bartolomé Pérez falará sobre “El estatuto jurídico de la lengua leonesa”. Esi mesmu día, de tarde, Christian Fernández Chapman falará de»Actitudes lingüísticas hacia el leonés a través de testimonios histórico» y el xueves 19 Ricardo Chao Prieto intervendrá nuna mesa redonda con representantes de las asociaciones El Teixu y Furmientu, onde se tratará del llabor cultural, investigador, editorial, reivindicativu y divulgativu feitu nos últimos años a favor del llionés.
Más info en ..
http://extensionuniversitaria.unileon.es/euniversitaria/curso.aspx?id=1455