Ya disponible Llión en ruta, obra d’Alejandro Díez conas ilustraciones de Ricardo Escobar

El pasáu miércoles, 27 d’outubre de 2021, tuvo llugar nel Institutu Llionés de Cultura la presentación de Llión en Ruta, trece propuestas de sendeirismu, una obra publicada pol nuesu colectivu en colaboración cona Editorial Cultural Norte qu’inaugura SERANU, una nueva colección de publicaciones empuntiadas a la divulgación y l’ensayu en llengua llionesa.

amuestra portada de Llión en Ruta, trece propuestas de sendeirismu

Llión en Ruta ye un trabayu escritu dafeitu en llionés pol nuesu compañeiru Alejandro Díez González, responsable del blog sobro rutas y turismu rural La Senda del Hayedo, y acompañada de las formosas ilustraciones del tamién miembru de la nuesa asociación, Ricardo Escobar Espiniella que ya ilustrara obras anteriores tan representativas cumo Llión Máxicu ou Esbardu, vocabulariu llionés ilustráu. Trátase d’un cuadernu de viaxe pa conocer la variedá xeográfica de la provincia de Llión que reúne trece rutas por diversos llugares de la provincia de Llión cumo Babia, Riaño, Altu Sil, Los Argüechos, Cabreira, El Bierciu, etc. Aparte de las 13 rutas por distintos llugares de la provincia llionesa, cada páxina d’esta guía tien outros ingredientes que, xuntos, quieren afalar al lector a calzar las botas, abrir la puerta de casa y ver esos paisaxes, polo menos, con más interés que la última vez que pousóu los güeyos n’eillos. Porque’l sendeirismu tien dúas caras que, bien aproveitadas, faen d’esta actividá una de las más prestosas de la vida.

Amuestra a Ricardo Escobar y Alejandro Díez, autores de Llión en Ruta

Esta guía aporta bien de datos, pa nada técnicos ou de difícil comprensión, de cúmo faer cada ruta propuesta de manera segura y eficaz. Pero existe outra perspectiva que vai acullá de la deportiva y que chega a lo científico, a lo sentimental, a lo espiritual: el conocimientu del paisaxe cumo dalgo vivu, qu’interactua con nós. La mesturanza de los dous ámbitos da llugar a un conxuntu de sensaciones qu’estas páxinas quieren reflexar.

El llibru ya s’alcuentra disponible en cualquier llibrería de referencia de la ciudá de Llión, pudiéndose encargar tamién contactando cona nuesa asociación ou a traviés del corréu electrónicu lasendadelhayedo@gmail.com.

Esta entrada ha sido publicada en Lengua y etiquetada como , , , , . Guarda el enlace permanente.

Deja una respuesta

Tu dirección de correo electrónico no será publicada. Los campos obligatorios están marcados con *