No añu 2012 l’Asociación Cultural Faceira publicóu un pequeñu compendiu gramatical del llionés tituláu Xurdir. Guía gramatical de leonés, que tuvo varias reimpresiones. Agora, cona útima edición prácticamente agotada, decidimos nun volver a editar esti llibru y oufrecelu pa la sua consulta llibre y descarga de baldre en Google Books. El motivu ye la necesidá de disponer d’una nueva descripción gramatical del llionés más profunda que recueya tamién el resultáu de las investigaciones de campu feitas nos últimos años sobre las variedades vivas del llionés, y que dea tamién una ideya más precisa del idioma, de la sua vitalidá y de las suas variedades internas. El trabayu de redacción d’esa nueva obra yá está en marcha, y daremos cuenta d’ella cuando estea disponible.
https://play.google.com/books/reader?id=1-1JDwAAQBAJ&hl=es&printsec=frontcover&pg=GBS.PA4