El próximu xueves, día 18 de noviembre de 2021, tendrá llugar a las 19,30 h. no Salón de Los Reis del Ayuntamientu de Llión (Plaza San Marcelo, 1 León), la presentación de la obra Los Reis de Llión, un recorríu por todos y cadagunu de los monarcas del Reinu de Llión escritu dafeitu en llengua llionesa pol nuesu presidente y historiador, Ricardo Chao Prieto y acompañada polas formosas ilustraciones con sabor medieval del tamién compañeiru de la nuesa asociación, Ricardo Escobar Espiniella, que ya ilustrara obras anteriores tan representativas cumo Llión en Ruta, Llión Máxicu ou Esbardu, vocabulariu llionés ilustráu.
Quiciabes seya’l de Llión el reinu más esqueicíu de toda la Edá Media hispana. Lo mesmo puede dicise d’una de las suas llenguas patrimoniales, l’asturllionés (chamáu llionés en Llión, asturianu n’Asturias, y mirandés na Tierra de Miranda portuguesa). Sicasí, el reinu y corona de Llión foi’l más extensu y importante de la Península Ibérica a lo llargo de varios siegros. Prueba d’ello ye que d’él acabarían xurdiendo los reinos de Castiella y Portugal. Los sous veinti reis y reinas cuasi siempres manexoron y controloron la política hispana, en permanente conflictu con al-Ándalus.
“Los Reis de Llión” ye namás y nada menos que’l primer llibru cona historia d’esi reinu y los sous reis escritu na llengua que faloron. La obra ya s’alcuentra disponible en tódalas llibrerias de referencia de la ciudá de Llión y encargable no restu, del mesmu xeitu, puede mercase online nesti enganche de la editorial que lu publica, Eolas Ediciones.
