Arcu la Vieya. Antoloxía de tradición oral llionesa ye un volume divulgativu de la literatura oral en llengua llionesa, especialmente empuntiáu a la infancia y la mocedá. La obra, de la que son autores Ricardo Escobar Espiniella (ilustraciones) y Nicolás Bartolomé Pérez (textos), adica cada capítulu a un xéneru popular con exemplos de cuentos, liendas, cantares, refranes, adevinanzas, conxuros, oraciones ou romances, pa conformar una amuestra de la rica tradición oral del puebru llionés. Las extraordinarias ilustraciones del llibru facen d’él un pequeñu tesouru cultural.
La sua presentación será’l próximu vienres día 20 de diciembre na Sala Región del Institutu Llionés de Cultura (c/ Santa Nonia 3, Llión) a partir de las 19,30 horas. La obra alcuéntrase ya a la venta nas principales llibrerías de referencia, asina cumo online nel siguiente enganche: https://www.eolasediciones.es/catalogo/faceira/arcu-la-vieya-antoloxia-de-tradicion-oral-llionesa-pa-nenas-y-nenos-de-guei/
¡Esperámosvos!