Yá puede consultase la versión electrónica del númaru siete d’Añada: revista d’estudios llioneses, una publicación académica editada pola Asociación Cultural Faceira en colaboración cona “Cátedra de Estudios Leoneses” (CELe), na que, por primer vez en Llión, puede escribise en llionés. El númaru siete, que yá está disponible no repositoriu de revistas electrónicas de la Universidá de Llión (ULErevistas), recueye estudios firmaos por Sergio Tomé Fernández y Alfonso Suárez Rodríguez; Pedro Victor Fernández, Juan Ignacio Torres Montesinos, Rafael Maldonado de Guevara Delgado; Irene del Canto Mínguez y César García Álvarez; y Pablo Ordás Díaz, asina cumo una recensión desenvuelta tamién por Juan Ignacio Torres Montesinos.
Fundada y dirixida pol llionés José Ignacio Suárez García, sociu de Faceira y profesor de musicoloxía de la Universidá d’Uvieo, Añada ye un annuariu interdisciplinar que recueye, a xeitu de coyeita añal, dalgunos de los fruitos producíos polas arias d’Artes y Humanidades centraos en temas llioneses. La revista, que cuenta con un Conseyu de Redacción y un Conseyu Asesor, reuníu alredor d’ella investigadores de prestixu nos sous respectivos campos de conocimientu que proceden d’universidades d’España, Alemania, Austria, Estaos Uníos, Francia, Irlanda, Italia, México y Portugal. Añada publica investigaciones, revisiones críticas y recensiones bibliográficas sobre cualquier aspectu históricu, xeográficu, lingüísticu ou cultural relacionáu con Llión, un términu que, por coherencia científica, ha d’entendese en sentíu latu, qu’atiende tamién –según los casos– a outros territorios relacionaos y vecinos. Amás, anque la llengua de la revista ye l’asturllionés, accéptanse tamién estudios nas –y sobre las– outras llenguas patrimoniales de Llión, esto ye, el castellanu y el gallegoportugués.
