Dende Bambara Zinema y l’Asociación Cultural Faceira, queremos dar la bienvenida al 2026 con un regalu bien especial pal nuesu territoriu. Tras años guardáu no tinteiru mentanto nos volcáramos n’outros proxectos de reivindicación social, por fin ve la lluz “Las campanas del conceyu”, un nuevu episodiu de la serie documental “La voz del conceyu”. Esti viaxe empezóu en 2017 na Escuela de Campaneiros de Villavante. Nueve años despuéis, rescatamos estas imaxes pa que’l toque tradicional de las nuesas campanas —esi patrimoniu inmaterial que marca el llatíu de los nuesos puebros— nun se pierda nel esqueicimientu. Queremos agradecer de corazón a la Escuela y a los campaneiros de Villavante por abrinos las súas puertas y permitinos rexistrar los sous toques y saberes pa la posteridá. Pa nós, cada vez tien más sentíu trabayar na puesta en valor de los nuesos bienes comunitarios y la nuesa identidá llionesa. ¡Feliz añu 2026 al son de la nuesa tierra!
