Asociación Cultural Faceira

I CERTAME LLITERARIU ASTÚRICA

L’ASOCIACIÓN CULTURAL FACEIRA cola collaboración del Ayuntamientu d’Estorga acaba de convocar el I CERTAME LLITERARIU ASTÚRICA. Con esta actividá FACEIRA quier anovar y dar continuidá al magníficu llabor de promoción del llionés que dende hai años bien despregando l’asociación estorgana LA CALEYA, especialmente nel ámbitu lliterariu cola convocatoria de las cuatro ediciones del certame lliterariu REINU DE LLIÓN (de 2007, 2008, 2009 y 2010), y nos que participoron decenas d’escritores del todu’l dominiu llingüísticu asturllionés. Fruitu d’esti importante trabayu foi’l llibru de relatos Cuentos de La Caleya (Estorga, 2010) onde se recueyen las obras narrativas premiadas, quedando inda pendiente’l volume dedicáu a los poemas ganadores. El CERTAME LLITERARIU LA CALEYA – REINU DE LLIÓN foi esencial nel cultivu modernu de la nuesa llingua, y una referencia indiscutible pal concursu lliterariu convocáu por FACEIRA.

FACEIRA reconoz y considera un llizaz esencial l’actividá de LA CALEYA, y anima a esta asociación y a los sous miembros a continuar col sou firme compromisu cola llingua y la cultura llionesas.

cuentos de la caleya