Asociación Cultural Faceira

FACEIRA PARTICIPA NEL VII ANCONTRO DE BLOGUEIROS DE L PRAINU (TIERRA DE MIRANDA)

L’Asociación Cultural Faceira vai participar nel VII ANCONTRO DE BLOGUEIROS DE L PRAINU (TIERRA DE MIRANDA) que se celebrará’l 16 d’agostu de 2014 nel llugar mirandés de Cicuiro. Nesti alcuentru Faceira presentará una comunicación titulada: “Mirandeses y llioneses: dous puebros vecinos y hermanos”. El programa completu del eventu puede consultase calcando nesti vínculu.

Fulhete_mirandes_purtues_Blogs an Cicuiru

Carteles de La nuesa fauna

PRESÉNTASE NA IV XORNADA DE PATRIMONIU LLINGÜÍSTICU Y CULTURAL Y VA REPARTISE DE BALDE NAS ESCUELAS, AMÁS DE PONESE A LA VENTA

Faceira, Furmientu y El Teixu editan un cartel colos nomes de los animales de Llión y Zamora en llionés

Las asociaciones en defensa de la llingua asturllionesa Faceira, Furmientu y El Teixu editan conxuntamente el cartel “La nuesa fauna”, que recueye los nomes populares en llionés de quince de los animales más representativos de Llión y Zamora. Los carteles, que se van presentar na IV Xornada de Patrimoniu Llingüísticu y Cultural, en Villamejil (Cepeda), repartiranse de balde a las escuelas de las zonas falantes d’asturllionés, amás de ponese a la venta en llibrerías. 

 

La IV Xornada de Patrimoniu Llingüísticu y Cultural, qu’organizan Faceira y l’asociación Rey Ordoño I esti sábadu 19 de santamarina nel llugar cepedanu de Villamejil, contará cola presentación del cartel “La nuesa fauna”. Editada conxuntamente por Faceira, Furmientu y El Teixu, esta lámina recueye los nomes tradicionales en llionés de seis aves y nueve mamíferos característicos de la fauna de Llión y Zamora.

De la raposa a la doronciella y de la pega a la curuxa, las tres asociaciones escoyeron quince de los animales más representativos de la fauna de la zona pa representalos nesti cartel col obxectivu de que nun s’esqueizan los nomes qu’aínda tienen nas zonas falantes d’asturllionés. L’afán didácticu de la lámina vien reforzáu polas guapas ilustraciones d’Alejandro Fernández Giraldo, asina como pol fechu de que, nos casos onde ye necesario, se recueyan distintas variantes del nome.

Los carteles de “La nuesa fauna” van poder alquirise na  IV Xornada de Patrimoniu Llingüísticu y Cultural, que se celebra esti 19 de santamarina nel Ayuntamientu de Villamejil, y posteriormente en llibrerías. Amás d’ello, repartiranse de balde por escuelas de las zonas falantes d’asturllionés de Llión y Zamora, pa facilitar que los neños y neñas mantengan el contactu cola llingua tradicional.

La  IV Xornada de Patrimoniu Llingüísticu y Cultural va principiar a las 13:00 d’esti sábadu 19 con una visita guiada y de baldre al Muséu Etnográficu de La Cepeda, pa continuar a partir de las 17:00 colas conferencias “L’asturllionés entre las llinguas d’España”, d’Alvaro Arias, “La subordinación y discriminación de la minoría llingüística llionesa”, de Nicolás Bartolomé Pérez y “Los nomes de la tierra: toponimia xeneral y toponimia de la Cepeda”, de Fernando Álvarez-Balbuena. A las 19:30 va tener llugar la proyección del documental “La voz del Concejo”, y a las 20:30 Ignacio Redondo va contar relatos y anécdotas cepedanas. El cierre de la xornada va ponelo l’actuación d’El Solito Trovador qu’interpretará poemas musicalizaos d’autores llioneses a las 21:00.

Subscriben esta nota las asociaciones en defensa de la llingua llionesa que siguen: Faceira (Llión), Furmientu (Zamora) y El Teixu (Asturias, Llión, Zamora y Bergancia).