El vienres 1 de marzu emprincipian las xornadas culturales entituladas Calechos d’iviernu, entamadas pola Asociación Cultural Faceira y l’Ayuntamientu de Llión. El calechu yera una reunión típica de los puebros de la montaña noroccidental llionesa, concretamente nas comarcas de Ribas de Sil, L.laciana, Babia, Oumaña, L.luna, Ordás y El Bierciu, onde se conoz cono nome de caleyu. Al cabu la tarde, axuntábanse varios vecinos y/ou achegáos na calle –se’l tiempu lo permitía– ou na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’iviernu, estación na qu’había menos que facer que n’outras épocas del añu. Parez que tantu’l vezu cumo’l términu tienen el sou orixen nas xuntanzas que se facían antaño pa repartir las velías de caltenimientu, cebáu y andar al pesque de las trampas pa llobos, chamadas calechos, asina cumo determinar outros detalles d’ellas. El calechu yera principalmente una tertulia na que se comunicaban las anuncias de la vida diaria, anque tamién podía xugase a las cartas y contase historias divertidas, cuentos y cousillinas, estas últimas dedicadas especialmente a los guah.es. Tamién yera’l momentu no que s’acordaba áu s’axuntarían pola nueite pal filandón anque, estremáu d’ésti, no calechu nun se solía trabayar y, por tanto, tenía un aquel mayormente lúdicu, d’ehí’l protagonismu de la xente moza en muitos casos. Pero amás d’engayolar, dacuando’l calechu tenía un llau pedagóxicu, yá que yera aproveitáu polos pais pa deprender a los sous fíyos cousas de la escuela. Cona celebración de Calechos d’iviernu, l’Asociación Cultural Faceira y l’Ayuntamientu de Llión nun solu rinden homenaxe a esta costume, sino qu’intentando xuncir esparcemientu y educación, tentan d’emponderar y difundir una parte del gran patrimoniu cultural llionés al traviés de cuatro conferencias sobre cousinas d’eiquí: tradición oral, historia, fala, toponimia, sociedá, identidá y administración territorial.
Los conferenciantes y la temática pa esta edición son: DAVID ÁLVAREZ CÁRCAMO: “La tradición oral en Llión: panorama xeneral” (1 de marzu), ANDRÉS ALTÉS DOMÍNGUEZ: “Castiella frente a Llión: un discursu esencialista no siegru XX” (8 de marzu), SANTIAGO PÉREZ FERNÁNDEZ: “Rasgos del llionés na fala y toponimia d’Antoñán” (15 de marzu) y CARLOS JAVIER SALGADO FUENTES: “Llión ante’l futuru: ¿País Llionés ou Castiella y Llión?” (22 de marzu).
Tódalas conferencias serán los vienres referíos a las 19.30h no Palacio del Conde Luna (Praza del Conde Luna, 24003, Llión).
