FACEIRA PUBLICA’L SEGUNDU VOLUME DE LLIÓN MÁXICU. PEQUEÑA MITOLOXÍA LLIONESA

Llión Máxicu 2 ye’l segundu volume d’un proyectu divulgativu de la mitoloxía llionesa entre la mocedá de l’Asociación Cultural Faceira. La obra, de la que son autores Ricardo Escobar Espiniella (ilustraciones) y Nicolás Bartolomé Pérez (textos), dedica cadagunu de los sous capítulos a describir las principales figuras fantásticas del Reinu de Llión, y recueye las liendas populares más significativas que caracterizan a estos seres maravillosos. Llión Máxicu 2 edítase dientro de la colección de publicaciones de Faceira Arcu la Vieya, orientada al públicu xuvenil, y en formatu bilingüe llionés – castellano. Las suas extraordinarias ilustraciones evidencian la formosura de los nuesos mitos, asina cumo’l sou potencial cultural y artísticu.

A lo llargo de la próxima sumana vamos sortear un exemplar del llibru nas redes sociales de Faceira, y dende’l vienres 27 de noviembre estará yá disponible en llibrerías.