Añada: revista d’estudios llioneses (númaru 2)

Yá puede consultase la versión electrónica del númaru dous d’Añada: revista d’estudios llioneses, una publicación académica editada pola Asociación Cultural Faceira en colaboración cona “Cátedra de Estudios Leoneses” (CELe), na que, por primer vez en Llión, puede escribise en llionés. El númaru dous, que yá está disponible no repositoriu de revistas electrónicas de la Universidá de Llión (ULErevistas), recueye estudios d’historia, tradición oral, historiografía, dereitu comparáu y lingüística. Los artículos están firmaos por Beatriz García Prieto, Ana Cristina Rodríguez Guerra, David Álvarez Cárcamo, Andrés Altés Domínguez, Alberto Flecha, Nicolás Bartolomé y Iván Cuevas. El volume, amás, vien rematáu con una recensión de José Manuel Pedrosa sobre’l llibru La tradición oral leonesa: Antología sonora del romancero, de David Álvarez Cárcamo.

Fundada y dirixida pol llionés José Ignacio Suárez García, sociu de Faceira y profesor de musicoloxía de la Universidá d’Uvieo, Añada ye un annuariu interdisciplinar que recueye, a xeitu de coyeita añal, dalgunos de los fruitos producíos polas arias d’Artes y Humanidades centraos en temas llioneses. La revista, que cuenta con un Conseyu de Redacción y un Conseyu Asesor, reuníu alredor d’ella investigadores de prestixu nos sous respectivos campos de conocimientu que proceden d’universidades d’España, Francia, Austria, Portugal, México y Estaos Uníos.

Añada publica investigaciones, revisiones críticas y recensiones bibliográficas sobre cualquier aspectu históricu, xeográficu, lingüísticu ou cultural relacionáu con Llión, un términu que, por coherencia científica, ha d’entendese en sentíu latu, qu’atiende tamién –según los casos– a outros territorios relacionaos y vecinos. Amás, anque la llengua de la revista ye l’asturllionés, accéptanse tamién estudios nas –y sobre las– outras llenguas patrimoniales de Llión, esto ye, el castellanu y el gallegoportugués.

Esta entrada ha sido publicada en Etnografía, Historia, Lengua, Literatura, Música y etiquetada como , . Guarda el enlace permanente.

Deja una respuesta

Tu dirección de correo electrónico no será publicada. Los campos obligatorios están marcados con *